Guddoomiyaha Gobolka Benaadir C/raxmaan Cumar Cusmaan “Ing Yariisow” ayaa Xariga ka jaray Xafiiska Adeegyada Dowladda Hoose Degmadda Warta Nabada ee Gobolka Benaadir.
Waxaa ka qeyb galay Munaasabadda Mas”uuliyiin ka tirsan Maamulka Gobolka iyo qaar ka mid ah Shacabka Degmada Warta Nabada.
Guddoomiyaha Degmada Warta Nabada Seynab Maxamuud Warsame ayaa sheegtay inay aad ugu faraxsan yihiin dadka degan degmada in Xafiiskan Xariga laga jaro.
Gudoomiyaha Gobolka Benaadir ahna Duqa Magaalada Muqdisho C/raxmaan Cumar Cusmaan Waxaa uu sheegay in Muhiimada Maamulku Siinayo sidii loo sameyn lahaa Xarumaha Muhiimka ah Bulshada.
“Waxaa aad muhiim markasta noogu ah in la sameeyo xarumaha aad ay Bulshadu ugu baahan yihiin waxaana kamida Xafiiiskan maanta ka shaqo bilaabay Xarunta Degmada Warta Nabada, Runtii waxaa mudo laga soo shaqeynayey sidii Xafiiskan loo hirgalin lahaa”ayuu yiri Guddoomiyaha Gobolka Banaadir ahna Duqa Muqdisho C/raxmaan Cumar Cusmaan (Ing: Yariisow).
Xafiiska Adeegyada Dowlada Hoose ayaa waxaa uu Maamulka kasoo hirgeliyey afar degmo oo Gobolka Banaadir ah,waxaana ugu danbeeyey degmada Warta Nabada ee Magaalada Muqdisho.
By: Ali Axmed Sheikh
