Agaasimaha Guud ee Wasaaradda Hawlaha Guud, Dib u dhiska iyo Guriyeynta Xukuumadda Soomaaliya Mudane Axmed Maxamed Iimaan ayaa 20 Injineer oo Wasaaradda Hawlaha Guud ka tirsan u soo xiray tababar uga soconayey muddo 35 maalmood ah magaalada Nairobi ee xarunta dalka Kenya.
Tababarkan ayaa waxaa Injineerada Wasaaradda u qabatay Haayadda Iskaashiga Caalamiga ah ee Japan (JICA). Jaamacadda Jomo Kenyatta University ee Nairobi ayaana loogu soo gabagabeeyey.
Injineerada Wasaaradda Hawlaha Guud ayaa waxa ay ku baranayeen tababarkan nidaamka dhismaha wadooyinka casriga ah.
“Waa guul ay gaartay Wasaaradda Howlaha Guud ee Soomaaliya, Casharadii muhiimka ahaa ee aad ku barateen tababarka waa inaad uga faa’idaysaan Injineerada kale ee Wasaaradda” ayuu yiri Agaasime Axmed Iiman oo la hadlayey injineerada tababarka loo soo xiray.
