Ninkan Eedeysanahaah oo lagu magacaabo Farxaan Cabdirisaaq, oo 40-jir ah ayaa sida la Maxkamadda Dembiyadda ee magaalladda Dublin ee caasimadda Ireland, ka hor qirtay in uu tahriibinayay Muhaajir u dhashay Soomaaliya, kaasi oo uu si sharci-darro ah ku gelin lahaa dalkaasi.
Qareenka u doodayay eedeysanahan ayaa Maxkamadda ka hor sheegay in Farxaan Cabdirisaaq, ujeedkiisa uu ahaa sidii uu walaalkiis ku soo gelin lahaa Ireland, iyada oo loo marayo waddo sharci ah.
Related posts
Bishii November 1-dii ee sanadkii hore ayaa waxay Saraakiisha Xafiiska Socdaalka ee Dublin Airport, ku qabteenΒ Nin ku saafrayay Dukumentiyo Macmal ah, kaasi oo sheegy inuu la safrayay Farxaan, balse marna ma sheegin inay ehel yahiin.
Dhanka kale Farxaan, ayaa Maxkamadda u sheegay in wiilkan uu ka yimid Soomaaliya, uuna Giriiga ka soo galay dhanka Turkiga, kaalintiisana ay aheed in uu taageero.
Farxaan Cabdirisaaq, oo haysta dhalashada Sweden, ayaa beeniyay in uu yahay Mukhalas dadka tahriiba oo lacago ka qaata, balse uu ninkaasi u cawinayay walaalnimo iyo xaallad adag oo haysatay.
Garsooraha Maxkamadda, oo lagu magacaabo Elma Sheahan, ayaa Farxaan ku xukuntay sanad iyo lix bilood oo xabsi ah.
