Magaalada Beladweyne ee xarunta Gobolka Hiiraan ayaa laga soo sheegayaa inay ka jirto isbadallo xagga horumarka ah, kaddib markii xaafado ka mid ah magaaladaasi laga hirgeliyay mashaariic kala duwan oo ay ugu horeyso hirgelinta nalalka cad-ceedda ku shaqeeya.
Wariyaha Warbaahinta Qaranka ee Gobolka Hiiraan Cabdishakuur Cismaan Cali oo xalay ku soo wareegay xaafadaha kala duwan ee magaalada ayaa ku soo waramay inay jirto isbadalo dhanka horumarka ah, waxaana uu sheegay in dadka ay ku caweynayaan waddooyinka, maadaama halkaasi laga hirgeliyay nalalka ku shaqeeya cad-cadeedda.
Qaar ka mid ah ganacsatada magaalada Beladweyne ayaa soo dhaweeyay nalalka laga hirgeliyay waddooyinka, iyagoo sheegay in goobahooda ganacsi ay furanyihiin ilaa iyo waqti dambe, bulshadana ay la dhacsanyihiin mashaariicda horumarineed ee degmada ka jirta.
Magaalada Beladweyne ayaa dhawaan laga hirgeliyay mashaariic kala duwan kuwaasi oo isugu jira dib u dhis xarumo ganacsi oo ay bulshada ku adeegtaan iyo hirgelinta nalalka Soolarka ku shaqeeya.
