Wasiiru-dowlaha Wasaarada Caafimaadka Dowlad goboleedka Galmudug Daahir Faarax Fiidoow oo ay wehliyeen Mas’uuliyiin ka tirsan Galmudug ayaa maanta xarigga ka jaray qeybta Qaliimada Guud ee Isbitaalka Bandiiradleey, taas oo dhawaan lagu soo kordhiyay Qeybaha kala duwan ee Isbitaalka Bandiiradleey
Qeybtaan cusub ee Qaliibka ee lagu soo kordhiyay isbitaalka ayaa ah mid naahi weyn loo qabay marka loo eego adeegyada Caafimaad ee Isbitaalku bulshada u hayo.
Wasiiru-dowlaha Wasaaradda Caafimaadka Dowladda Galmudug Daahir Faarax Fiidoow oo ka hadlay Munaasabadda xarig jarka ayaa sheegay in ay tahay mid baahi weyn loo qabay, isla markaana dabooli doonta adeegyadii qaliimada Guud ee loo aadi jiray Gaalkacyo iyo Deegaanno kale
Ugu danbeyn Wasiiru-dowlaha Wasaaradda Caafimaadka Galmudug ayaa sheegay in ka Wasaarad ahaan ay la socon doonaan baahiyada Caafimaad ee ka jira guud ahaan Deegaannada Dowlad Gobaleedka Galmudug.
