Munaasabad Kooban Oo Qalabkanni Caafimaad ee loogu talo galay isbitaalka Magaalada Bula burde ayaa maanta magaalada Muqdisho lagu guddoonsiiyay wakiilo ka socday isbitaalka magaaladaasi, iyadoo deeqdaasi agabka ah ay soo gaarsiiyeen hey’adda International Human Developmen Organization (IHDO).
Goobta lagu guddoonsiinayay qalabkaasi ayaa waxaa goob joog ka ahaa qaar ka mid ah dadka deegaanka oo qabay baahi caafimaad daro oo muda ay qabeen, waxaana agabkaasi uu isugu jiray Sariiro, gawaari lagu qaado dadka cuuryaamiinta,Baabuur casri ah oo wax badan u fududeyn doona dadka naafada aan socon Karin, Sheybaar, iyo agab kale.
C/naasir Xasan Macalin oo ka mid ah dadka deeganka magaalada Bula burde ee gobolka Hiiraan oo ka hadlay deeqdaasi ayaa muujiyay sida ay ugu faraxsan yihiin in qalabkani lagu wareejiyo dadka ku dhaqan degmadaasi iyo deegaannada hoosyimaada.
Yuusuf Xasan Ugaas ayaa ka sheekeeyay dhibaatooyinka caafimaad oo ay qabaan dadka ku dhaqan halkaasi oo uu sheegay in magaaladaasi aysan laheyn goob caafimaad oo dadka u suura galisa adeegyada ay u baahan yihiin isbitaalkanna uu wax badan ka badali doono xaaladaasi qalabkana uu ugu adeegi doono Qeybaha Bulshada maadaama isbitaalka uu xirnaa in mudda ah.
Xamaad C/qaadir Xaaji Shirwac madaxa hey’adda International Human Developmen Organization (IHDO) oo wareejiyay deeqdaasi qalabka ah ayaa sheegay kaddib markii ay arkeen baahida caafimaad ee ka jirta degmada Bula burde iyo sida loogu baahan yahay in uu shaqeeyo isbitaalka’Taasina ay Keenty In Maanta Agabkan Caafimaad ay soo gaarsiyaan ayna ku guuleysteen in ay u keenaan qalabkaasi oo ah waxyaabaha lagama maarmaanka u ah shaqada isbitaalka.
Ugu dambeyntii Aadan Dhagaweyne oo ka mid ah howl wadeennada isbitaalkaasi ayaa la wareegay qalabkani caafimaad, waxaana uu ka hadlay sida uu ugu faraxsan yahay in kaalmadaan ay soo gaarsiiyaan isbitaalka, isagoo sheegay in ay ugu adeego doonaan dadka ku dhaqan halkaasi oo u baahan xarun u fulisa baahiyaha ay qabaan.
