Isbitaalka DEVA oo ah isbitaal ay maamulaan dhaqaatiir ka tirsan Walaalaha Turkiga ayaa waxa ay keeneen qalab casri ah oo loogu talagalay in lagu daryeello carruurta dhasha iyaga oo aan bilo dhameysan, taasi oo noqoneyso in markii ugu horeysay dalka la keeno qalab nuucaasi oo kale ah.
Qalabkan ayaa ah dhalooyinka lagu koriyo carruurta lixda bil ku dhasha iyo kuwa kale oo casri ah oo carruurta aan qaadan karin Ogsijiinka lagu siiyo ogsijiin u gaar ah, iyadoo qalabkan maanta lagu baxnaaninayay saddex cunug oo aan bilo dhameysan, kuwaasi oo labo ka mid ah ay mataanno yihiin.
Mid ka mid ah dhaqaatiirta ka howlgalla isbitaalka DEVA oo la hadlay Warbaahinta Qaranka ayaa sheegay in qalabkan looga maarmi doono in caafimaad dibadda ah loo qaado carruurta Soomaaliyeed ee lixda bil ku dhasha.
