Munaaasabad balaaran oo Xarig ka jaris ah laguna qabtay iskuulka hoose dhexe ee degaanka xaaji cali ee degmada Cadale ee gobalka shabeelaha dhexe ayaa waxaa ka soo qeybgalay boqolal dadweyna ah oo aad ugu faraxsan furitaanka iskuulkaasi oo ahmiyad gaar ah u leh dadka deegaankaasi.
Muaasabadda ayaa waxaa ugu horeyn ka hadlay Qaar kamid ah bulshada deegaanka kuwaasi oo ka hadlay dhibaatada ay leedahay waxbarasho la’aan deegaankaasi ka jirta iyo waxyaabaha ay sababeyso.
C.raxman Xasan Maxamed oo ah gudoomiyaha Dhalinyarada Deegaanada Xaruur iyo Xaaji Cali ayaa halkaasi ka ballan qaaday in ay juhdi walba ku bixinayaan sidii uu u sii shaqeyn lahaa iskuulkan hadana ay u dhameystireen Qalabkii ardayda wax lagu bari lahaa
Nabaddoon Mukhtaar Sh Axmed Maxamed oo howla Shaqo u jooga deegaankaasi ayaa ka hadlay muhiimadda Waxbarashada u leedanahay Aadanaha isagoo ugu baaqay Aqonyahanada iyo jaaliyadda Deegankaasi in ay gacan ka geystaan waxbaridda Dhallanka.
Guddoomiyaha Degmada Cadale Muxuyadiin Suudi ayaa sheegay in dhallanka oo an wax la barin ay sababeyso in si qaldan looga faaideysto taasna ay sababeyso dhibaato deegaanka ka dhacdo.
Ugu dambeyntii Gudoomiyaha Degmada Cadale iyo Nabaddoon Mukhtaar Sh Axmed Maxamed Ayaa Si wadajir ah xarigga uga jaray iskuulka Deegaanka Xaaji Cali kaas oo ahmiyad gaar ah u leh dadka ku nool deegaankaasi.
