Xafiiska Ra’iisul wasaaraha Isra’iil Benjamin Netanyahu, ayaa sheegay in Xukuumadiisa ay u codeysay heshiis loo soo jeediyay oo leysku dhaafsanayo Maxabiista ay kala haystaan iyaga iyo Xamaas.
Sida ay sheegtay Wakaaladda Reuters, Xafiiska Netanyahu, ayaa xaqiijiyay in 50 ka mid ah Maxabiista laga haysto lagu sii dayn doono afar maalmood gudahood, muddadaas oo dagaalku uu joogsan doono.
Wargeyska Haaretz, oo soo xiganaya saraakiil isugu jira Israa’iil iyo Maraykan ayaa sheegay in dadka heshiiskan lagu sii deyn doono dhankooda ay ka mid yahiin 30 carruur ah, siddeed ruux oo wayeela ah iyo 12 dumar ah, kuwaasi oo beddelkooda ay shegeen inay ku sii deyn doonaan 150 maxaabiis falastiiniyiin ah.
