Isu soo bax balaaran oo lagu weynaynayay dhalashada Xabiibkeena Muxamed (NNK) oo ay ka qeybgaleen Culimaa’udiin ayaa lagu qabtay magaalada Nairobi ee dalka Kenya.
Munaasabadan oo ay soo qaban qaabiyeen Guddiga Dhallinyarada Ahlusunna WalJamaaca laguna weyneynayay dhalashada Nabi Maxamed (NNKH) ayaa waxa ka qeybgalay Culimaa’udiin Soomaaliyeed oo ka kala yimid gudaha iyo dalka dibadiisa oo ay ka mid ahaayeen Sheekh Maxamuud Cabdul baari, Sheekh Cabdiraxmaan Waaberi iyo Sheekh Maxamuud Maxamed Guriceel iyo qeybaha kala duwan ee bulshada ku dhaqan magaalada Nairobi dalka Kenya.
Related posts
Bishan Mowliid oo ah bisha uu dhashay Suubanaheena Nebi Muxamed (NNKH) ayaa Muslimiinta waxa ay u tahay fursad aad u qiimo badan oo ay ku xasuusanayaan naxariista, jacaylka iyo caddaalada uu Nabigu u muujiyay Aadanaha, loona baahanyahay in lagu daydo wanaagga iyo dhaqanka suuban ee Nabiga, lana raaco tilmaamihiisa qiimaha badan.
Culimadii ka hadlay munaasabadda ayaa bulshada uga sheekeeyay siirada Nebi Muxamed (NNKH), taariikhdiiisa iyo talaabooyinka bulshada looga baahanyahay oo ah inay raacaan tilmaamahiisa wanaagsan.
Culimada oo bayaan ka soo saartay kulanka ayaa bulshada loogu baaqay inay ka fogaadaan waxkasta oo shacabka iska hor keeni kara, isla markaana ay ka sbaqeeyaan wadajirka iyo midnimada Ummadda Soomaliyeed meelkasta oo ay dunida ka joogaan.
