Isu soo bax lagu soo dhoweynaayay dhismaha maamul u sameynta gobolada Hiiraan iyo Shabeelaha Dhexe oo ay ka qeybgaleen boqolaal ka mid ah bulshada ku dhaqan gobolka Shabeelaha Dhexe ayaa maanta ka dhacay magaalada Jowhar.
Banaan baxani oo ay soo qaban qaabiyeen maamulka gobolka Shabeelaha Dhexe ayaa waxaa ka qeyb galay qeybaha bulshada oo ay ugu horeeyaan waxgaradka, haweenka, dhallinyarada iyo masโuuliyiin kale, kuwaasi oo muujiyay sida ay ugu faraxsanyihiin qorshaha ay dowladda ku dooneyso dhismaha Maamul u sameynta Gobollada Hiiraan iyo Shabeelaha Dhexe.
Related posts
Qaar ka mid ah waxgaradka isu soo baxa ka qeyb galy ayaa sheegay inay soo dhaweynayaan talaabada lagu doonayo dhismaha Maamulka labada gobol, ayna diyaar u yihiin inay dhankooda ka qeyb qaataan, isla markaana heshiiska Muqdisho lagu saxiixay uu horseed u noqon doono in la helo dowlad goboleed ay yeeshaan Gobollada Hiiraan iyo Shabeelaha Dhexe.
Guddoomiyaha degmada Jowhar Cabdullaahi Cabdiqaadir Buur fuule ayaa sheegay inay tahay wax lagu farxo in gobollada Hiiraan iyo Shabeelaha Dhexe loo sameeyo maamul goboleed qeyb ka noqda dowlad goboleedyada hoos tega Dowladda Federaalka ah ee Soomaaliya.
Ugu dambeyntii Guddoomiye ku-xigeenka gobolka Shabeelaha Dhexe ee dhanka arrimaha bulshada Mudane Muxumed Sugaal Cismaan oo ka hadlay banaanbaxan ayaa sheegay in shacabka gobolka Shabeellaha Dhexe ay yihiin dad gacmaha is heysta ayna ku kalsoonyihiin maamulkooda.
โAhmiyada labada maamul waxaa laga garan karaa Wasiirada saxiixay iyo madaxda ugu sareysa dalka oo ka qeybgalay xafladii lagu qabtay Madaxtoyada ee lagu saxiixay dhismaha maamulka labada gobol ee Shabeelaha dhexe iyo Hiiraanโ.ayuu yiri Gudoomiye ku-xigeenka maamulka gobolka Sh/dhexe.
