Suldaan Maxamed Suldaan Yuusuf oo socdaal ku soo maraya qaar ka mid ah dalal ka mid ah Qaaradda Yurub, kana mid ah salaadiinta ka soo jeeda Deegaannada Puntland ayaa Jaaliyadda Soomaaliyeed ku booriyay inay ka qeyb qaataan horumarka dalkooda.
Suldaanka oo la hadlay Radio Muqdisho isaga oo ku sugan dalka Sweden ayaa sheegay in uu kulamo wacyi gelin ah laqaatay dhallinyarada Soomaaliyeed ee qurbaha ku nool, kuwaasi oo uu ku booriyay inay gacan ka geystaan dadaallada dowladda Soomaaliya ay ugu jirto horumarinta dalka.
Suldaan Maxamed ayaa xusay in Jaaliyadaha uu sidoo kale kala hadlay inay is garab taagaan taakuleynta loo sameynayo ciidamada qalabka sida ee Soomaaliya, oo dagaallo xoogan kula jira cadowga Ummadda Soomaaliyeed ee Al-Shabaab.
Ugu dambeyn Suldaan Maxamed Suldaan Yuusuf ayaa sheegay in uu kulamo la qaatay arday Soomaaliyeed oo wax ku barta dalka dibadiisa kuwaasi oo uu ku booriyay inay cilmiga ay barteen uga faa’iideeyaan bulshadooda oo ay dalkooda dib ugu soo laabtaan.
Halkan ka dhageyso wareysiga
