Cilmi baaris Socotay 4 sanno oo ku saaban xanuunada ku dhaca Wadanaha iyo wax yaabaha keena oo ay soo qaban qaabisay Hay’adda caymiska Caafimaadka ee Healthpartner ayna ka qayb-qaateen Hay’addaha Caafimaadka Gobolka Minnesota oo ay ka mid yihiin WellShare East African Health Project,Hennepin Healthcare & Aurora Health Care ayaa lagu gabo-gabeeyey Hall-ka Jaamacadda Minnesota (U OF M).
Cilmi baaristaan ku qotonta la socodka Caafimaadka dadka ayaa waxaa nasiib u yeeshay markii ugu horraysay jaaliyadda Soomaaliyeed ee Gobolka Minnesota Iyadoo dhakhaatiirta sheegeen 1156 qof in ay kala qayb-qaateen baaritaanka.
Baarayaasha ayaa ku ogaaday cilmi baaristaan wax yaalaha keena wadna xanuunka,iyagoo goobta ka sheegay in ay keennaan Cayilka,Sonkorta,Macaan Karistaroolka Iyo Cabitaanka Sigaarka ama shiishada.
Dr.Biyoon Westgard oo ka hawl galla rugta caafimaadka ee Riijan Hospital,qaybta gargaarka degdeg ah,isla markaasna ah Cilmi baare dhanka caafimaadka ku xeel dheer ayaa noo sharaxaya Cilmi baaristaan.
”Waxaan ognahay xanuunnadaa wadnaha ku dhaca xagga Somalida mudada deganaa in uu isbedelayo xitaa Soo galootiga kale ,lakiin Somalida qaas ahaan waxa ugu weyn oo keena wadna xanuunka. cayilka,sonkorta sigaarka, dhinaca raga, waxaan kaloo ogaanay sigaar cabida ragana in aysan hoos u soo degin”
Dr Osman Haraare oo ka mid ah dhakhaatiirta Soomaaliyeed ee caanka ka ahaa dalkeena barisaamdkii,haddana ku nool Gobolka Minnesota ayaa ii sharaxaya wax ay ka baran karraan Bulshada Soomaaliyeed cilmi baarisata noocaan oo kale ah.
Aqoon-yahannad Farhiyo Farah oo ka mid ah barayaasha Soomaliyeed ee wax ka dhiga Jaamacaada Sanmeeri qaybta caafimaadka guud public Health ayaa fariin ku aadan bad-baadinta ilmaha u dirtay Hooyooyinka Soomaaliyeed & Ganacsatada leh goobaha lagu cunteeyo..
Dr, Ahmed Dalmar oo ka mid ahaa dhakhaatiirtii hore ee Somaliya,haddana ku nool Goobolka Wiskasin kana mid ah Madaxda hay’adda Aurora Health Care ayaa ka waramaya baaritaanka iyo wax yaalaha lagu ogaaday.
W/D: Cabdixakiim Cabdi Ismaciil.
