Ardaydan la guddoonsiinayay shahaadada Diploma ee bartay Cilmiga umulisonimada, teknolojiyada casriga ah iyo nidaamka xafiisyada oo tiradoodu gaareyso ku dhawaad lixdan, isla markaana ay ku beegneyd xuska sanad guuradii koowaad ee ka soo wareegtay aas aaska Jaamacadda SKY ayaa waxaa ka qeyb galay maaamulka Jaamacadda, waalidiin, arday iyo marti sharaf kale oo munaasabadda lagu casuumay.
Mid ka mid ah waalidiinta goobta ka hadashay ayaa sheegtay inay ku faraxsanyihiin heerka ay maanta gaareen ardayda, iyadoo dar daaran u jeedisay ardayda shahaadooyinka la guddoonsiiyay.
Qaar ka mid ah ardayda ka qalin badalaneysa Jaamacadda SKY oo qaadaneysay shahaadada Diplomaha ayaa ka hadlay waxa ay hiigsanayaan, iyagoo xusay inay diyaar u yihiin u adeegidda bulshada ay wax u barteen.
Maamulaha Jaamacadda SKY Maxamed Macalin Xasan ayaa ku booriyay ardayda in waxyaabaha ay barteen ugu adeegaan bulshadooda, isla markaana ay kan maamul ahaan xoogga saari doonaan sidii Jaamacaddu ay sare ugu qaadi lahayd tayanta tacliinta sare ee dalka.
Ugu dambeyntii maamulka Jaamacadda SKY ayaa ardayda iyo qaar ka mid ah howlwadeenada Jaamacadda guddoonsiisay shahaadooyin.
