Xaflad lagu daah furayay kuliyad cusub oo lagu soo biiriyayay Jaamacada zamzam oo ah kuliyadda caafimadka ayaa maanta lagu qabtay Muqdisho, waxaana ka qeyb galay maamulka Jaamacadda, arday, iyo marti sharaf kale oo munaasabadda lagu casuumay.
Qaar kamid ah dadkii halkaasi kahadlay ayaa soo jeediyay in bulshada Soomaliyed iyo dhaqaatirta waxbaratay ay horumarin balaaran ku sameeyen adeegyada caafimad ee dalka, si wax looga qabto baahiyaha caafimad ee gudaha dalka ka jira.
Fikrad Guller oo ah maamulaha Jaamacada ayaa tilmaamay inay xooga saari doonaan sare u qaadida adeegyada caafimaad oo ay soo saaraan dhaqaatiir wax ku ool leh.
“Caafimadka waa waxa ugu muhiimsan ee uu beni’aadamku ku noolyahay, waana waajib inaga saaran in aan horumarino adeegyada caafimaad ee dalka, inkasto haatan uu dalka wax weyn iska badalay dhanka caafmadka, Hadana Jaamacadda waxaa go’aan satay in kuliyada Caafimadka Jaamacadda lagu soo kordhiyay ay wax badan qaban doonto”ayuu yiri Fikrad
Dr Maxamed Yuusuf oo ah Madaxa Isbitaalka Carafaat ayaa tilmaamay in dalka uu ka jiro isbadal horumarineed oo dhanka caafimaadka ah, isla markaana ay Jaamacadaha arintaasi kaalin wanaagsan ka qaaten.
“Jaamacadaha dalka ka howl gala kaalin weyn ayey ka qaatan isbadalka caafimad ee dalka ka jira maadama uu dalka soo maray marxalado kala duwan oo bur bur ah oo aysan dalka Dowlad rasmi ah aysan ka jirin, marka waxaa loo baahanyahay in aan si wadajir ah isaga kaashano oo aan adeegyada caafimadka kor u qaadno”ayuu yiri Dr Maxamed.
Sawir Qaade:- Farxaan Suleymaan Daahir
