Jordan oo Maraykanka ugu baaqday in uusan Qudus u aqoonsanin caasimadda Israa’iil

Wasiirka arrimaha dibadda ee Jordan ayaa Maraykanka uga digay cawaaqib xumada ka dhalan karta haddii uu Qudus u aqoonsado caasimadda Israa’iil.

Ayman Safadi ayaa sheegay in uu wasiirka arrimaha dibadda ee Maraykanka Rex Tillerson u sheegay in ku dhawaaqidda arrintaas ay keeni doonto caro wayn oo ay qaadaan Carabta iyo Dunida Muslimka.

Related posts

Bayaan wadajir ah oo lagu cambaareynayo furitaanka sharci-darrada ah ee waxa loogu yeeray “Safaaradda Somaliland” ee Magaalada Qudus

May 24, 2026

Hay’adda Socdaalka iyo Jinsiyadda oo war kasoo saartay cabashooyin ka yimi safarrada dalka Masar

May 24, 2026

Waxaa la isla dhexmarayaa in madaxweyne Trump uu arrintaas ku dhawaaqi doono wakhti dhaw, isaga oo fulinaya ballanqaadkii uu sameeyay markii uu ku jiray ol’olaha doorashada.

Jared Kushner oo uu sodddog u yahay Trump ayaa sheegay in aysan jirin go’aan noocaas ah oo wali la qaatay.

Wasiirka arrimaha dibadda ee Jordan Safadi ayaa Twitterka ku soo qoray: “Waxaan kala hadlay wasiirka arrimaha dibadda ee Maraykanka Tillerson cawaaqibka xun ee ka dhallan doona in ay Qudus u aqoonsadaan caasimadda Israa’iil. Go’aankaasina uu keeni doono caro ay qaadaan Carabta iyo Dunida Muslimka oo dhan, taas oo sii hurin doonta xiisadda, carqaladeeyn karta dadaallada nabadda”.

Ma jirto jawaab cad oo ay arrintan ka bixisay Wasaaradda Arrimaha Dibadda ee Maraykanka.