Kooxda Crystal Palace oo ka ciyaarta horyaalka Premier League-ga ayaa kooxda Queens Parka Rangers kala soo wareegtay ciyaaryahan Jordon Mutch.
Ciyaaryahan Jordon Mutch ayaa lacag dhan ยฃ5.75million ugu soo biiray kooxda Crystal Palace.
Ciyaaryahan Mutch oo horey ugu ciyaari jiray kooxda Cardiff City ayaa qandaraas afar sano iyo bar ah u saxiixay kooxda Crystal Palace.
Ciyaaryahan Jordon Mutch oo 23-jir ah ayaana wax boos ah ka helin kooxda QPR oo uu ku biiray sanadkii hore,isagoo u saftay 11-kulan oo kaliya.
Kooxda Crystal Palace ayaa sidoo kale waxa ay si amaah ah kula soo wareegtay ciyaaryahan Shola Ameobi oo bishii December ka tegay kooxda Gaziantep ee dalka Turkiga.
Ciyaaryahan Ameobi oo 33-jir ah ayaa inta ka dhiman xili ciyaareedkan u ciyaari doono kooxda Crystal Palace.
Tababaraha kooxda Crystal Palace ayaa si fiican u yaqaan ciyaaryahan Ameobi oo uu tababare u ahaa markii uu u ciyaarayay kooxda Newcastle United.
