Xarunta lagu daweeyo dadka dhimirka ka xanuunsanaya ee magaalada Jowhar ayaa laga soo sheegayaa daawo yari heysta, taas oo keentay in bukaannada qaar ay xarunta ka bannaanka daawo ka qaataan sida uu sheegayo Maxamuud Muuse Jilicoow oo ka tirsan xarunta Al-Kheyr ee magaalada Jowhar.
Xaruntaan oo shaqeyneysa afar sano ayaa daweysay dad badan oo iminka dib ugu laabtay bulshada. Ayadoo maamulka xaruntu ay dowladda ugu baaqeen in ay ka caawiyaan daaweynta iyo xannaaneynta dadka dhimirka ka jirran eek u jira xaruntaasi.
“Dhallinyaro degaanka ah ayaa dadka ugu deeqay raashinka, hase yeeshee waxaa jirta daawo yari, dadka qaar ayaa bannaanka ka qaata daawada waayo waxaa yar daawada aan u heli karno” ayuu yiri kalkaaliye Jilacow.
Waa xarunta kaliya eek u taalla gobolka ee qabata howshan lagu xannaaneynayo isla markaana lagu daweynayo dadka qaba xanuunka dhimirka ee ku nool gobolka Shabeellaha Dhexe.
