Wararka aan ka heleyno deegaanka Buula-Xaaji ee gobolka Jubbada Hoose oo dhaca galbeedka magaalada Kismaayo waxay sheegayaan in Afar wiil oo dhalinyaro ah ay ku geeriyoodeen qarax miino oo argagixisada Al-Shabaab ay la beegsatay gaari Booyad ah oo ay la socdeen.
Sida ay Radio Muqdisho u sheegeen dadka deegaanka, dhalinyaradaas ayaa biyo dhaamin u sameynayey qoysas ku nool deegaanka uu qaraxu ka dhacay ee Buula-Xaaji oo abaarta dalka ka jirta ay saameysay.
Wararka aan ka heleyno deegaankaas waxay intaas ku darayaan in dhawaan ay ciidamada daraawiishta Jubbaland iyo kuwa xoogga dalka ee Danab ay argagixisada kala wareegeen Buula-Xaaji.
