Madaxweyne ku xigeenka KMG ah ee dowlad Goboleedka Jubbaland Maxamuud Sayid Aadan iyo wasiir ku xigeenka wasaaradda waxbarashada ayaa daahfuray imtixaanka dugsiga dhexe kaasoo maanta ka furmaya guud ahaan dalka.
Ardayda u fariisatay imtixaanka mideysan ee fasalka siddeedaad ee deegaannada Jubbaland ayaa gaareysa 2,360.
Wasiir ku xigeenka wasaaradda waxbarashada Jubbaland axmed Handal oo goobta daahfurka ka hadlay ayaa kula dardaarmay ardayda in ay ka ka fogaadaan qishka aqoontoodana ay tijaabiyaan, isagoo u rajeeyay guul.
Madaxweyne ku xigeenka KMG dowlad goboleedka Jubbaland Maxamuud Sayid Aadan ayaa sheegay in fursad ay u tahay ardayda Jubbaland imtixaanaadka mideysan ee dowladda wuxuuna kula dardaarmay in ay muujiyaan dadaal dheeraad ah.
