War qoraal ah oo ka soo baxay Madaxtooyada Jubbaland ayaa lagu cadeeyey in dowlad goboleedkaas uu ka qeyb gelayo shirka uu iclaamiyey Ra’iisul Wasaare Rooble.
Hoos ka akhriso qoraalka Jubbaland oo sidan u qornaa:
Dowlad Goboleedka Jubbaland mar walba waxay diyaar u tahay dardar galinta howlaha Doorashooyinka oo fursad weyn u ah shacabka Soomaaliyeed inay kaga baxaan xaaladan adag ee dalku ku jiro.
Waxaa meel wanaagsan maraya dadaalada ay guddiga Doorashooyinka heer Dowlad Goboleed ee Jubbaland ay ku bilaabayaan Doorashooyinka aqalka hoose ee baarlamaanka oo si Wanaagsan uga socda Magaalada Kismaayo ee Caasimada ku meel gaarka ah ee Jubbaland.
Waxaan diyaar u nahay ka qeybgalka shirka Golaha wadatashiga qaran ee arrimaha Doorashooyinka ee garwadeenka uu ka yahay Ra’iisul Wasaare Maxamed Xuseen Rooble, oo aan rajo weyn ka qabno in ay kasoo baxaan go’aamo waxtar u leh Shacabka Soomaaliyeed.
