Kooxda Juventus ayaa garoonkeeda Juventus Stadium barbardhac 1-1 ah kula gashay kooxda Inter Milan.
Kooxda Juventus ayaa goolka la hor martay,waxana daqiiqadii shanaad ee ciyaarta u dhaliyay ciyaaryahan Carlos Tevez,sidasi ayaana lagu kala nastay qeybtii hore ee ciyaarta.
Ciyaaryahan Mauro Icardi ayaa daqiiqadii 64-aad ee ciyaarta goolka barbardhaca u dhaliyay kooxda Inter Milan.
Ciyaaryahan Mateo Kovacic ayaa dhamaadkii ciyaarta kaarka casaanka ah ka qaatay kooxda Inter Milan.
Kooxda Juventus ayaa 40-dhibcood ku hogaamineyso horyaalka talyaaniga,halka kooxda Inter Milan ay horyaalka uga jirto kaalinta 11-aad,iyadoo leh 22-dhibcood.
Dhinaca kale kooxda Cesena ayaa waxaa garoonkeeda Stadio Dino Manuzzi 1-4 uga badiyay kooxda Napoli.
Kooxda Napoli ayaa goolka la hor martay,waxaana daqiiqadii 29-aad ee ciyaarta goolka koowaad u dhaliyay ciyaaryahan Jose Maria Callejon.
Ciyaaryahan Gonzalo Higuain ayaa dhamaadkii qeybtii hore ee ciyaarta goolka labaad u dhaliyay kooxda Napoli,sidasi ayaana lagu kala nastay qeybtii hore ee ciyaarta.
Ciyaaryahan Daniele Capelli ayaa goolka sedaxaad ka dhaliyay kooxdiisa Cesena.
Ciyaaryahan Gonzalo Higuain ayaa goolka afaard u dhaliyay kooxda Napoli,waxana uu ahaa goolkiisii labaad ee ciyaarta.
Kooxda Napoli ayaa kala horeynta horyaalka talyaaniga uga jirto kaalinta afaraad,waxana ay leedahay 30-dhibcood,halka kooxda Cesena ay kamid tahay sedaxda kooxood ee horyaalka ugu hooseeya.
