Kooxda Juventus ayaa sii kordhisay dhibcaha ay ku hogaamineyso horyaalka talyaaniga,ka dib markii ay garoonkeeda Juventus Stadium 1-0 uga badisay kooxda Genoa.
Ciyaaryahan Carlos Tevez ayaa daqiiqadii 25-aad ee ciyaarta goolka guusha u dhaliyay kooxda Juventus.
Guusha ay galabta gaartay kooxda Juventus ayaa waxa ay tahay tii 20-aad oo ka gaarto horyaalka talyaaniga 28-kulan oo ay ciyaartay.
Kooxda Juventus oo uu hogaamiyo macalin Massimiliano Allegri ayaa horyaalka talyaaniga ku hogaamineyso 67-dhibcood,halka kooxda Roma oo kaalinta ku jirto ay leedahay 50-dhibcood.
