Kalluumaysatada ka jilaabata xeebaha gobalka Mudug ayaa cabasha xoogan ka muujinaya doonyo shishiiye oo jilaabasho sharci darra ah kawada xeebaha ku yaala deegaanada dhaca dhinaca waqooyi bari Gobalka Mudug.
Dadka Kalluumeysata ah ayaa sheegay in ay kala kulmaan dhibaatooyin doonyo si sharci dara ah uga kalluumeeysata Marsooyinka u dhaxeeya degmada Hobyo iyo deegaanka Galhagoog oo qiyaas ah dhanka waqooyi kaga beegan degmada Hobyo ee Gobalka Mudug.
Qaar kamid ah kallumaysatada xeebaha gobalka mudug oo wariyaha warbaahinta Qaranka uga soo warama Gobalka mudug C/risaaq Maxamed uu dhawaan kula kulmay marsooyinka Kalad,Gur Guur,Iidaan Afweyn iyo Gal Hagoog ayaa u sheegay warbaahinta Qaranka in dhibaatooyin ay kala kulmaan maraakiib iyo doonyo si sharci darra ah uga jilaabanaya xeebahaasi kuwaasi oo ay timaameen in qaarkood ay wataan ajaanib u dhalatay dalalka Iiraan,Yamen iyo kuwa kale
Kalluumeeysatada Soomaaliyed ayaa sheegay in dhibaatooyinka ay kala kulmaan ay ka mid yihiin iyagoo ka jaraya Shabaagaha iyo Jeestooyinka ay iyagu dhigtaan badda sidoo kalana xaalufin ay ku hayaan kheyraadkii baddeena ayagoo isticmaalaya qalab ay sheegeen inuu gabi ahaanba bur burinayo Jamalada iyo qararka badda gudaheeda ku yaala taasoo keeneeysa in ay ka cararaan dhamaan nuucyada kaluunka sida Libaax badeedka iyo Aargoosatada ku dhax nool qararka iyo jamalada ay baa’biyeen.
Mudooyinkii dambey ayaa waxaa isa soo taraya cabashada ka soo yeeraysa Kalluumeysatada Soomaaliyeed ee xeebaha gobolka Mudug kuwaas oo ka sheegayana dhibaatada Maraakiibta shisheeye oo si sharci daro ah ugu kalluumeysanaya baiyaha Soomaaliya.
W/D:.C/risaaq Maxamed Axmed
