Madaxweynaha Jamhuuriyadda Jabuuti, Ismaaciil Cumar Geelle iyo dhiggiisa Kenya, William Ruto, ayaa kulan muhiim ah oo ay yesheen kaga wada hadlay sidii loo sii xoojin lahaa xiriirka labada dal iyo labada shacab.
Wada-hadalladan ay yesheen madaxda Dowladaha Kenya iyo Jabuuti ayaa lagu gaaray heshiis muhiim ah oo ku saabsan isku socodka shacabka labada dal , kaa oo meesha ka saaraya shuruudihii dal ku galka ee muwaadiniinta labada dal horey loogu xiri jiray.
Heshiiskan ay gaareen madaxda labada dal ee Jabuuti iyo Kenya waxaa soo dhaweeyay shacabka labada dal, oo dhibaato ku qabay shuruudaha ku xiran dal ku galka ama viisaha dalalkaasi lagu tago.
