Ciidamada Difaaca Kenya ayaa warbixin ay soo saareen maanta oo Axad ah ku sheegay in laga hortagay weerar kooxda al-Shabaab ay saaka waberigii ku qaadeen Gobolka Lamu ee dalkaasi Kenya.
Warka ayaa intaa ku daray in isku daygaasi weerar la fashiliyay,isla markaana la soo celiyay amnigii iyo kala dambeyntii .iyadoo kooxda argagixisada laga dilay afar ruux.
Falkan isku dayga ah oo dhacay aroornimadii saaka ayaa ku soo dhamaaday si guul ah,waxana warku intaa raaciyay in saldhigga mileteri ee la weeraray ay iminka xaaladiisu degan tahay.
