In ka badan 100 DHALO oo Khamri ah iyo Xashiish badan ayaa maanta lagu soo bandhigay degmada Caabudwaaq ee gobolka Galgaduud ka dib markii ciidanka booliiska howlgal ka sameeyay gudaha degmada, sid ay sheegeen saraakiisha ciidanka.
Taliyaha saldhigga booliiska, Dhamme, Nuur Cilmi Maxamed, ayaa sheegay in howlgal ciidanka ka sameeyay xaafadahah degmada lagu soo qabtay walxahan maandooriyaha ah iyo gaadiidkii lagu waday.
Related posts
Gaashaanle sare, Maxamuud Maxamed Jaamac (Dhaga-hoor), oo ah taliyaha qeybta booliiska ee gobolka Galgaduud ayaa u mahad celiyay dadkii ka shaqeeyay in la soo qabtay maandooriyahan khatarta ah.
Guddoomiyaha, degmada Caabudwaaq, Mahad Cumar Cilmi, ayaa sheegay in ciidanka si joogto ah u sameeyaan howlgalada noocaan ah oo lagula dagaalamayo maandooriyaha.
Goobta lagu soo bandhigay, maandooriyahan ayaa waxaa joogay, maamulka degmada Taliska ciidanka booliiska, saraakiil ka tirsan qeybta 21 aad ee ciidanka xoogga dalka iyo mas’uuliyiin kale.
