Shirka Qaran ee Horumarinta Istiraatiijiyadda Horumarinta Warbaahinta Soomaaliya ayaa maanta si rasi ah uga furmay magaallada Muqdisho. Shirkaan waxaa furay R/wasaare ku xigeenka Soomaaliya mudane Maxamed Cumar Carte.
Haddaba halkaan waxaan idiin kugu soo gudbinaynaa qeybo ka mid ah khudbooyinkii furitaanka ee ay jeediyeen masuuliyiinta ka qeyb gashay shirka.
Related posts
Wasiirka Warfaafinta Soomaaliya Maxamed Cabdi Xayir Maareeye.
โKooxaha nabad diidka ahi wariyeyaal badan oo dalkaan qiimo u lahaa ayay dileen, Caddaaladda ayaa la horkeeni doonaa, sida loo hor keenay kuwii dilay wariyeyaal Soomaaliyeed oo ay u dambeysay Hindiyo Xaajiโ ayuu yiri wasiir
โDadkaani waxay ahaayeen kuwo doonayay inay maskaxdooda ku beddelaan Soomaaliya ay nabad gaarsiiyaanโ.
โFarxad weyn ayay noo tahay in maanta warbaahinta Soomaaliyeed ay heystaan sharci u oggolaayana inay shaqeystaan, Wariyaha Soomaaliyeedna siinaya xuquuqdiisaโ
โDhammaadka shirkan waxaan rajaynayaa in istiraatiijiyad aan ku mideysannahay oo aan fulinteeda ka wada shaqeyno shanta sano ee soo socotaโ
Xildhibaan Cabdi Xaashi
โSharcigaani, Warbaahinta madaxa bannaan xuquuq badan ayuu siinayaa, si guud ayuuna u ilaalinayaa warbaabinta Soomaaliyeed xuquuqdoodaโ ayuu yiri
โWariyaha gef sameeya haddii shalay xabsiga la geyn jiray, maanta sharcigu wuu diidayaa arrintaas oo lama xiri karo ilaa ay maxkamadi oggolaansho soo dhiibtoโ
โGuddiga saxaafadda oo ah 9 xubnood oo 3 ay ka imaanayaan warbaahinta madaxa bannaan, ayaa wasaaradda kala shaqeyn doona kiisaska anshaxa la xiriiraโ
โXeerkaani waa mid aan mustaqbalka u sameysanayno, waxbaa laga beddeli karaa maxaa yeelay waa salkii sharcigaโ.
โWariyeyaasha Soomaaliyeed waa in la siiyaa xuquuq mushaar oo ku filan, hayโadaha warbaahintu haddaysan awoodin inay bixiyaan
Wasiirka Warfafinta Puntland. Maxamuud Xasan Ismaaciil
โWasaaradda Warfafinta hannaanka wada-shaqeyn ee ay noo abuurtay waan soo dhaweynayaa, waxayna daahfur u tahay wax-qada qabsiga dowladda iyo dowlad-goboleedyadaโ.
โXeerka Saxaafadda ee la anisixiyay Puntland waxay ku dartay aragtideeda, Waxaan idiin caddeynayaa Puntland inay diyaar u tahay inay fuliso sharciga saxaafadda Soomaaliyeed ee dowladda Dhexe ay soo saartayโ.
Wasiirka Warfafinta Koofur-Galbeed Xasan Cabdi Maxamed.
โMa jiro wariye lagu xiray Koofur-Galbeed, waana garowsanahay dhibaatada ay ku shaqeynayaan, waxaan ku faraxsannahay in maanta sharci saxaafadeed oo xuquuq siinaya cid kasta la helay.
โSharigan ay soo ansixiyeen goleyaasha dowladda dhexe ee uu madaxweynuhuna saxiixay sidiisa ayaan u dhaqan galinaynaa, annagoo la kaashanayna dowladda dhexe. Sidoo kale waxaan sharcigeena waafajin doonnaa sharciga qaran ee saxaafaddaโ.
Wasiirka Warfaafinta Galmudug. Maxamed Cusmaan Aadan โMesagawaayโ
“Waxaan ย aad ugu faraxsanahay in shirkeennani uu ku soo beegmayo, maalin uu ka dib markii uu madaxweynaha Jamhuuriyaddu saxiixay Xeerka Saxaafadda Qaranka, ee uu dhowaan ansixiyay baarlamaanka Federaalka Soomaaliya.
Soomaaliya waxa ay maanta markii ugu horreysay taariikhda leedahay Xeer- saxaafadeed oo u dhigma kuwa dunida, waxaana ammaan iyo bogaadin mudan cid kasta oo gacan ka geysatay diyaarinta xeerkan oo ay shaqadiisu soo socotay tan iyo sanadkii 2007-dii.
Xogahayaha guud ee NUSOJ Maxamed Ibraahim Pakistaan
โWaa markii ugu horreysay oo aan yeelanno sharci saxaafadeed. In madaxweynaha Soomaaliya uu saxiixay sharciga saxaafadda Soomaaliya waa dhacdo taariikhi ah, saxafiyiinta Soomaaliyeed waxay u tahay billow cusub oo horumar ah. Waxyaabaha la dhaliilsan yahay ee sharciga ku jira in dib loo saxo ayaan rajaynaynaaโ.
Shirkaan natiijo fiican oo horumarmar ah ayaan ka rajaynayaa inay ka soo baxaan, oo dowladda, hayโadaha deeqaha bixiya iyo warbaahinta madaxa bannaanba
Raโiisul-Wasaare ku xigeenka Xukuumadda Soomaaliya Maxamed Cumar Carte
โXeerkaan iyo Istiraatiiiyadda aan maanta ka hadlayno waa inay wax ka beddelaan waxna ku kordhiyaan nolosha dadkeena, Sharci laโaantu fowdo ayay ka dhigan tahay, waa inaan xusuusnaanno in masuuliyadi na saran tahay gaar ahaan wariyaha, isla markaana sharciga la dhowraaโ.
โSharcigaani wuxuu ilaalinayaa madaxbannaaniada saxaafadda sidoo kale wuxuu dhowrayaa xuquuqda wariyeyaasha, isagoo sidoo kale ilaalinaya xuquuqda dadka ee ku cad dastuurka waddankaโ
โSaxaafadda xorta ah waa inay ogaadaan Soomaaliya in aysan dowladdu lahayn ee ay dadka Soomaaliyeed leeyihiin, Waa in ay ka shaqeeyaan horumarinta dalkooda oo ay wanaajiyaan muuqaalka waddanka oo ay masuuliyad muujiyaanโ.
โWaxaan ammaanayaa dhammaan hayโadaha iyo qeybaha kala duwan ee ka soo shaqeeyay shirkaan iyo juhdiga ay bixiyeen. SIdoo kale waxaan u mahad celinayaa hayโadaha dowladeed iyo qeybaha kale ee ka soo shaqeeyay sharciga saxaafadda ee noo suurta galinaya in la kala xadeeyo dowladda, shacabka iyo warbaahintaโ.
hdi
