Dowladda Kenya ayaa shaaca ka qaaday in saddex ruux oo horleh laga helay caabuqa Coronovirus, iyadoo guud ahaan tirada laga helay cudurkan dalka Kenya ay gaartey sagaal ruux.
Wasiirka Caafimaadka Kenya Mr Mutahi Kagwe ayaa saxaafada u xaqiijiyay in la helay kiisaskan cusub ee cudurka Coronoviruska la xiriira.
Labo ka mid ah saddexdan ruux ee laga helay cudurkan ayuu ku sheegay Wasiirku inay ahaayeen lammaane ka yimid dalka Spain, soona maray wadanka Isutagga Imaaraadka Carabta iyagoo yimid magaalada Nairobi 5tii bishan Maarso.
“Qofka saddexaad ee laga helay cudurka ayaa ka soo jeeda dalka Burundi waxana uu ka soo galay dalka Kenya wadanka Imaaraadka,waxana uu yimid 17ka bishan oo shalay ku beegneyd.”ayuu yiri Wasiirka Caafimaadka Kenya.
“Waxaan raadineynaa labo kale oo xiriir ay wadaageen bukaankan,isagoo xusay dhammaan dadka laga helay cudurka ay dibada ka yimaadeen.”ayuu sii raaciyay Wasiirka Caafimaadka.
