Waxaa mudooyinkan ka socday magaalada Doha ee dalka Qadar Koob u dhexeeya Kooxaha Jaaliyadda Soomaalida ee ka dhisan Xaafadaha dalka Qadar, Kuwaasi oo soo Bandhigay Ciyaar wanaag.
Labada Kooxood ee Xaafada Ummogliina iyo Al-Wakra ayaa isugu soo haray Ciyaarta Kama Danbaysta ah (Final-ka) iyadoona Guushu ay halkaasi ku Raacday Kooxda Ummogliina oo 8:2 Afka Ciida ugu dartay Kooxda Al-Wakra.
Ciyaarta kama Danbaysta ee Dhexmartay Labada Kooxood ayaa waxaa kasoo qayb galay Daawashadeeda Gudoomiya Jaaliyada Soomaalida, Masuuliyiin kala duwan iyo Safiirka Soomaaliya ee dalka Qadar Mudane Cumur Cali Idiris, oo Bogaadin usoo jeediyey Dhalinyarada Soomaalida oo Soo Bandhigtay Intii Koobku socday Ciyaar wanaag.
Ahmed Darwiish Doha – Qatar
