Naadiga kubada cagta Comsed Gaalkacyo PuntlandΒ ayaa galabta barbar dhac lagalay naadiga Jamaame Brothers Centar JBCΒ oo Kismaayo ka dhisan, waxaana ciyaartii galabta oo aad u xiiso badnayd ka soo qaybgalay Maamulka degmada Kismaayo, Xildhibaano ka socda Baarlamaanka Jubbaland iyo Boqolaal dadwaynaa.
Sidoo kale waxaa joogay galabta Garoonka Madaxda Wasaarada dhalinyarada iyo Ciyaaraha Jubbaland, gudoomiyaha dhalinyarada Puntland iyo madaxda Xariirka kubada cagta ee Jubbaland.
Related posts
Ciyaarta ayaa kaabiyadii hore waxaa hal dhaliyay Naadiga JBC , iyadoona gool bareejo ah ay la yimaadeen naadiga Comsed kaabyadii dambe.
Guddoomiyaha degmada Kismaayo Mudame Ibraahim Maxamed Aw-Yuusuf ayaa sheegay in ciyaaraha Kismaayo dhacaya ay yihiin kuwo dhiiri galin u ah dhamaan dhalinyarada Ciyaaraha Jubbaland iyo Puntland.
Cabdiqani Carabay oo ah Β gudoomiyaha Naadiga Comsed ee Kismaayo martida ku ah ayaa sheegay in naadiga Comsed ay yihiin kuwo mar walba dadaal badan ugu jiraan horumarka sports Puntland iyo JubalandΒ sidi ay xirir wanagsan u yeeshaan mar walbana ay u wada ciyaaraan safaro gobolada Puntland iyo Jubaland taas ayuu ahaa u jeedkeena aan Jubaland Kismaayo ku nimid wana bilaawnay hadi aan nahay naadiga comsedΒ mar walba waxaan diyaar u nahay in aan ka shaqeeno isdhaxgalka dhalinyarada sports wana mid loo bahan yahay in la horumariyo dhalinyarada sports si ay xirfadadooda u horumariyaan si ay u helaan fursad wanagsan.
Ugu dambayntii gudoomiyaha dhalinyarada Puntland aways Sardheeye ayaa guud ahaanba dhalinyarada Puntland iyo Jubbaland ugu baaqay in ay hormariyaan xirfadahooda, sidoo kalena ay ka waantoobaan tahriibka.
