Kooxda Werder Bremen ayaa waxaa garoonkeeda Weserstadion 0-3 uga badisay kooxda Bayern Munich oo hogaamineyso horyaalka Jarmalka.
Kooxda Bayern Munich ayaa qeybtii hore ee ciyaarta dhalisay labo gool,waxaana u kala dhaliyay ciyaaryahanada kala ah Thomas Mueller iyo David Alaba,sidasi ayaana lagu kala nastay qeybtii hore ee ciyaarta.
Ciyaaryahan Robert Lewandowski ayaa qeybtii danbe ee ciyaarta labada gool ee kale u kala dhaliyay kooxda Bayern Munich.
Kooxda Bayern Munich ayaa waxaa galabta ka maqnaa oo aan u ciyaarin ciyaaryahanada kala ah Franck Ribery, Arjen Robben iyo Xabi Alonso.
Kooxda Bayern Munich ayaa horyaalka Jarmalka ku hogaamineyso 64-dhibcood,halka kooxda Werder Bremen ay horyaalka uga jiro kaalinta 9-aad,iyadoo leh 33-dhibcood.
Kooxda Hertha Berlin ayaa garoonkeeda Olympiastadion barbardhac 2-2 ah kula gashay kooxda Schalke 04.
Kooxda Hertha Berlin ayaa goolka la hor martay,waxaana daqiiqadii 21-aad ee ciyaarta u dhaliyay ciyaaryahan Anis Ben-Hatira.
Ciyaaryahan Leroy Sane ayaa dhamaadkii qeybtii hore ee ciyaarta goolka bareejada u dhaliyay kooxda Schalke 04,sidasi ayaana lagu kala nastay qeybtii hore ee ciyaarta.
Ciyaaryahan Genki Haraguchi ayaa daqiiqadii 82-aad ee ciyaarta goolka labaad u dhaliyay kooxda Hertha Berlin.
Ciyaaryahan Joel Matip ayaa dhamaadki ciyaarta goolka labaad ee bareejada u dhaliyay kooxda Schalke 04.
Kooxda Schalke 04 ayaa kala horeynta horyaalka Jarmalka uga jirto kaalinta shanaad,waxana ay leedahay 39-dhibcood,halka kooxda Hertha Berlin ay horyaalka uga jirto kaalinta 14-aad,iyadoo leh 26-dhibcood.
Kooxda Hoffenheim ayaa garoonkeeda Rhein-Neckar-Arena 3-0 uga badisay kooxda Hamburger SV.
Garsootihii ciyaarta ayaa daqiiqadii 20-aad ee ciyaarta kaarka casaanka ah u taagay gool-hayihii kooxda Hamburger SV Jaroslav Drobny.
Ciyaaryahan Eugen Polanski ayaa gool u bedelay rigooradii loo dhigay kooxda Hoffenheim,sidasi ayaana lagu nastay qeybtii hore ee ciyaarta.
Ciyaaryahan Eugen Polanski ayaa daqiiqadii 82-aad ee ciyaarta goolka labaad u dhaliyay kooxda Hoffenheim.
Ciyaaryahan Sebastian Rudy ayaa dhamaadkii ciyaarta goolka sedaxaad u dhaliyay kooxda Hoffenheim.
Kooxda Hoffenheim ayaa kala horeynta horyaalka Jarmalka uga jirto kaalinta todobaad,waxana ay leedahay 36-dhibcood,halka kooxda Hamburger ay horyaalka uga jirto kaalinta 15-aad,iyadoo leh 25-dhibcood.
Kooxda Eintracht Frankfurt ayaa garoonkeeda Commerzbank-Arena 4-0 uga badisay kooxda Paderborn.
Kooxda Frankfurt ayaa waxaa labadii qeyb ee ciyaarta afarta gool u kala dhaliyay ciyaaryahanada kala ah Alexander Meier, Marc Stendera ,Stefan Aigner iyo Nelson Haedo Valdez.
Kooxda Frankfurt ayaa kala horeynta horyaalka Jarmalka uga jirto kaalinta sideedaad,waxana ay leedahay 34-dhibcood,halka kooxda Paderborn ay kamid tahay sedaxda kooxood ee horyaalka ugu hooseya.
Kooxda Augsburg ayaa waxaa garoonkeeda SGL arena 0-2 uga badiyay kooxda Mainz 05.
Kooxda Mainz 05 ayaa waxaa labadii qeyb ee ciyaarta labada gool u kala dhaliyay ciyaaryahanada kala ah Shinji Okazaki iyo Ja-Cheol Koo.
Kooxda Mainz ayaa kala horeynta horyaalka Jarmalka uga jirto kaalinta 11-aad,waxana ay leedahay 29-dhibcood,halka kooxda Augsburg ay horyaalka uga jirto kaalinta lixaad,iyadoo leh 38-dhibcood.
