Kooxda Roma oo aan badin afartii kulan ee ugu dambeysay horyaalka talyaaniga ayaa galabta 2-1 uga badisay kooxda Cagliari,waxana ay todobo dhibcood u soo jirsatay kooxda Juventus oo hogaamineysa horyaalka talyaaniga.
Kooxda Roma ayaa waxaa labada gool u kala dhaliyay ciyaaryahanada kala ah Adem Ljajic iyo Leandro Paredes.
Kooxda Cagliari oo lagu ciyaarayay garoonkeeda Stadio Sant’Elia ayaa waxaa goolka kaliya u dhaliyay ciyaaryahan Paul-Jose M’Poku oo bedel ku soo galay ciyaarta.
Kooxda Roma ayaa kaalinta labaad uga jirto horyaalka talyaaniga,waxana ay leedahay 46-dhibcood,halka kooxda Cagliari oo uu hogaamiyo macalin Gianfranco Zola ay horyaalka uga jirto kaalinta 17-aad,iyadoo leh 19-dhibcood.
Kooxda Napoli ayaa xajisatay kaalinta sedaxaad ee horyaalka,ka dib markii ay 3-1 kooxda Udinese.
Kooxda Napoli ayaa waxaa qeybtii hore ee ciyaarta labo gool u kala dhaliyay ciyaaryahanada kala ah Dries Mertens iyo Manolo Gabbiadini ,halka qeybtii labaad ee ciyaarta uu ciyaaryahan Cyril Thereau goolka sedaxaad ka dhaliyay kooxdiisa Udinese.
Kooxda Napoli oo uu hogaamiyo macalin Rafael Benitez ayaa fara dhibcood u soo jirsatay kooxda Roma oo kaalinta labaad uga jirto horyaalka,waxana ay leedahay 42-dhibcood,halka kooxda Udinese ay horyaalka uga jirto kaalinta 12-aad,iyadoo leh 28-dhibcood.
Kooxda Empoli oo aan sagaal kulan badin horyaalka talyaaniga ayaa galabta 2-0 uga badisay kooxda Cesena.
Kooxda Empoli ayaa waxaa labadii qeyb ee ciyaarta labada gool u kala dhaliyay ciyaaryahanada kala ah Massimo Maccarone iyo Franco Signorelli.
Kooxda Empoli ayaa kala horeynta horyaalka talyaaniga uga jirto kaalinta 15-aad,waxana ay leedahay 23-dhibcood,halka kooxda Cesena ay ka mid tahay sedaxda kooxood ee horyaalka ugu hooseeya.
Kooxda Sampdoria ayaa garoonkeeda Stadio Luigi Ferraris barbardhac 1-1 ah kula gashay kooxda Sassuolo.
Kooxda Sassuolo ayaa goolka la hor martay,waxaana daqiiqadii labaad ee ciyaarta u dhaliyay ciyaaryahan Francesco Acerbi.
Kooxda Sampdoria ayaa waxaa daqiiqadii sagaalaad ee ciyaarta goolka barbadhaca u dhaliyay ciyaaryahan Eder.
Kooxda Sampdoria ayaa kala horeynta horyaalka talyaaniga uga jirto kaalinta shanaad,waxana ay leedahay 35-dhibcood,halka kooxda Sassuolo ay horyaalka uga jirto kaalinta 11-aad,iyadoo leh 29-dhibcood.
Kooxda Fiorentina ayaa galabta garoonkeeda Artemio Franchi 3-2 uga badisay kooxda Atalanta.
Kooxda Fiorentina ayaa waxaa afarta gool u kala dhaliyay ciyaaryahanada kala ah Jose Basanta, Alessandro Diamanti iyo Manuel Pasqual.
Ciyaaryahan Mohamed Salah oo kooxda Fiorentina ay si amaah ah uga soo qaadatay kooxda Chelsea ayaa maanta kulankiisii u horeeyay u saftay kooxda Fiorentina.
Kooxda Fiorentina ayaa kala hoeynta horyaalka talyaaniga uga jirto kaalinta afaraad,waxana ay leedahay 35-dhibcood,halka kooxda Atalanta ay horyaalka uga jirto kaalinta 16-aad,iyadoo leh 23-dhibcood.
