Kooxda Aston Villa ayaa caawo ku dhawaaqday in ay shaqada ka ceyrisay macalin Paul Lambert,ka dib markii ay xalay kooxda kamid noqotay sedaxda kooxood ee ugu hooseeya horyaalka ingiriiska ee Premier League-ga.
Kooxda Hull City ayaa xalay 2-0 uga badisay kooxda Aston Villa.
Macalin Paul Lambert oo 45-jir ah ayaa kooxda uu hogaanka u hayay ee Aston Villa waxa ay dhalisay 12-gool oo kaliya 25-kulan oo ay ciyaartay.
Kooxda Aston Villa ma badin 10-kulan oo ka tirsan horyaalka ingiriiska ee Premier League-ga.
Tababare ku xigeenka kooxda Aston Villa Scott Marshall iyo tababaraha dhanka gool-hayaasha Andy Marshall ayaa kooxda u diyaarin doono kulanka FA Cup-ka ay axadda Villa Park kula ciyaarayaan kooxda Leicester City.
Taageerayaasha kooxda Aston Villa ayaa xalay soo qaatay boor ay ku muujinayaan sida ay u doonayaan in shaqada laga ceyriyo macalin Paul Lambert.
