Kooxda Chelsea ayaa garoonkeeda Stamford Bridge 2-1 uga badisay kooxda Stoke City.
Kooxda Chelsea ayaa goolka la hor martay,waxaana daqiiqadii 39-aad ee ciyaarta goolka rigoore ahaa u dhaliyay ciyaaryahan Eden Hazard.
Ciyaaryahan Charlie Adam ayaa bartaha garoonka ka arkay gool hayaha kooxda Chelsea Thibaut Courtois oo ka baxay goolka uu ilaalinayay,waxana kubad uu ka laaday bartaha garoonka uu u daba mariyay goolka,iyadoo noqotay bareejo 1- 1 ah,sidasi ayaana lagu kala nastay qeybtii hore ee ciyaarta.
Ciyaaryahan Loic Remy ayaa daqiiqadii 62-aad ee ciyaarta goolka labaad u dhaliyay kooxda Chelsea.
Kooxda Chelsea ayaa horyaalka ingiriiska ku hogaamineyso 70-dhibcood,halka kooxda Stoke City ay horyaalka uga jirto kaalinta tobanaad,waxana ay leedahay 42-dhibcood.
