Kooxda Fiorentina oo Ka Badisay AC Milan iyo Lazio oo Guul Gaartay

Kooxda Fiorentina ayaa garoonkeeda Stadio Artemio Franchi 2-1 uga badisay kooxda AC Milan.

Kooxda AC Milan ayaa goolka la hor martay,waxaana bilowgii qeybtii labaad ee ciyaarta u dhaliyay ciyaaryahan Mattia Destro.

Related posts

Madaxweyne ku-xigeenka Galmudug oo daahfuray koobka degmooyinka Galmudug “SAWIRRO”

June 5, 2023

Cayaartooyda Xulka Qaranka Dalkeenna oo baaritaan lagu xaqiijinayo da’dooda ku maraya Ethiopia

April 14, 2023

Ciyaaryahan Gonzalo Rodriguez ayaa daqiiqadii 83-aad ee ciyaarta goolka bareejada u dhaliyay kooxda Fiorentina.

Kooxda Fiorentina ayaa dhamaadkii ciyaarta heshay goolka guusha,waxaana u dhaliyay ciyaaryahan Joaquin.

Guul darrada la soo gudboonaatay kooxda AC Milan waxa ay sii kordhineysaa cadaadiska saaran tababare Filippo Inzaghi.

Kooxda Fiorentina ayaa kala horeynta horyaalka talyaaniga uga jiro kaalinta shanaad,waxana ay leedahay 45-dhibcood,halka kooxda AC Milan ay horyaalka uga jirto kaalinta tobanaad,iyadoo leh 35-dhibcood.

Dhinaca kale kooxda Torino ayaa waxaa garoonkeeda Olimpico di Torino 0-2 uga badiyay kooxda Lazio.

Kooxda Lazio ayaa waxaa qeybtii danbe ee ciyaarta labada gool u dhaliyay ciyaaryahan Felipe Anderson.

Kooxda Lazio ayaa kala horeynta horyaalka talyaaniga ka soo gashay kaalinta sedaxaad,waxana ay leedahay 49-dhibcood,halka kooxda Torino ay horyaalka uga jirto kaalinta sagaalaad,iyadoo leh 36-dhibcood.