Kulan ka tirsan Horyaalka heerka koowaad ee dalka ayaa galabta ka dhacay garoonka kubadda cagta ee Benaadir Stadium, kaasi oo dhex maray kooxaha Heegan iyo LLPP Jeenyo oo ka wada tirsan horyaalka heerka koowaad ee dalkeena.
Kulankii galabta oo ahaa mid xiiso gaar ah leh, isla markaana ay u soo daawasho tageen dadweyne aad u fara badan oo ka kala yimid degmooyinka Gobolka Benaadir, waxaana cayaarta qeybtii hore ay ku soo gabo gabowday 0-0.
Daqiiqado kaddib qeybtii dambe markii la isku soo laabtay cayaarta ayaa labada koox waxa ay garoonka ku soo bandhigeen cayaar aad loo jecleystay, iyadoo cayaartu ay ahayd mid weerar iyo weerar celis.
Guud ahaan cayaartii dhexmartay kooxaha Heegan ee ciidanka Booliska iyo LLPP Jeenyo ayaa waxa ay ku soo idlaatay 3-1 oo ay guusha ku raacday kooxda Heegan.
Sawir Qaade:- Qadar Cali Nuur
