Kulan ka tirsan Horyaalka heerka koowaad ee dalka oo ahaa kii ugu dambeeyay ee ay wada cayaarayaan Kooxaha Horseed iyo Dekadda ayaa galabta lagu soo gabo gabeeyay tuulada Cayaaraya ee Muqdisho.
Cayaarta oo ay u soo daawasho tegeen dadweyne aad u fara badan oo ka kala yimid xaafadaha kala duwan ee Degmooyinka Gobolka Banaadir ayaa soo buux dhaafiyay garoonka, kuwaasi oo aad ugu riyaaqay cayaar wanaaga ay muujiyeen labada dhinac.
Related posts
Qeybta hore ee cayaarta ayaa lagu kala nastay bar bar dhac 0-0, iyadoo labada koox ay sameeyeen fursado muhiim ahaa.
Cayaarta ayaa la isku soo laabtay qeybta labaad ee cayaarta, waxaana ay cayaarta ahayd weeerar iyo weerar celis, waxaana ugu dambeyn xidiga kooxda Horseed ee Farxaan Xidig uu shabaqa kooxda Dekadda ku hubsaday kubad aad u quruxbadan, kaasi oo cayaaarta ka dhigay 1-0, waxaana waqtigii loogu talagalay cayaarta ay ku soo idlaatay 1-0 oo ay guusha ku raacday kooxda Horseed.
Kooxda Horseed ayaa iminka heysata 38 dhibcood, waxaana isha lagu hayaa kulanka beri ay foodda is dari doonaan Naadiga Dowladda Hoose (Muqdisho City Club, MCC) iyo Kooxda Gaadiidka, waxaaaa haddii laga badiyo MCC ama ay bar bardhac gasho ay horyaalka ku guuleysan doonto kooxda Horseed, balse haddii ay badiso MCC oo haatan wadata 35 dhibcood waxa ay isku dhibco noqon doonaan kooxda Horseed, waxaana Xiriirka Soomaaliyeed ee kubadda Cagta laga sugayaa in labada Naadiga ee Horseed iyo MCC loo qabto kulan kama dambeys ah oo lagu kala saarayo cidda ku guuleysan doonto horyaalka dalka.
