Kooxda Manchester United ayaa garoonkeeda Old Trafford 3-0 uga badisay kooxda Tottenham Hotspur.
Kooxda Manchester United ayaa qeybtii hore ee ciyaarta dhalisay sedaxda gool,waxaana u kala dhaliyay ciyaaryahanada kala ah Marouane Fellaini, Michael Carrick iyo Wayne Rooney.
Kooxda Manchester United ayaa waxa ay ka mid tahay kooxaha tartanka ugu jiro in ay ka mid noqdaan afarta kooxood ee ugu sareeya horyaalka ingiriiska ee Premier League-ga.
Kooxda Manchester United ayaa kaalinta afaraad uga jirto kala horeynta horyaalka ingiriiska,waxana ay leedahay 56-dhibcood,halka kooxda Tottenham ay horyaalka uga jirto kaalinta todobaad,iyadoo leh 50-dhibcood.
Dhinaca kale kooxda Everton ayaa garoonkeeda Goodison Park 3-0 uga badisay kooxda Newcastle United.
Kooxda Everton ayaa waxaa labadii qeyb ee ciyaarta sedaxda gool u kala dhaliyay ciyaaryahanada kala ah James McCarthy, Romelu Lukaku iyo Ross Barkley.
Kooxda Newcastle United ayaa waxaa qeybtii danbe ee ciyaarta kaarka casaanka ah ka qaatay kabtankoodii Fabricio Coloccini.
Kooxda Everton ayaa gaartay guusheedii ugu horeeysay ee Premier league-ga ee sanadkan 2015.
Kooxda Newcastle United ayaa kala horeynta horyaalka ingiriiska uga jirto kaalinta 11-aad,waxana ay leedahay 35-dhibcood,halka kooxda Everton ay horyaalka uga jirto 14-aad,iyadoo leh 31-dhibcood.
