Wadan waliba waxa uu leeyahay Baandeey garaacda Muusikada oo aad uu qurxoon yahay Labiskooda, kuwaasi oo tuma muusikda Astaanta Calamada Calamka, kuwaasi oo lagu soo dhaweeyo hadba Madaxdii dalkaasi soo booqata, haddaba Dalkeenna Soomaaliya waxa uu leeyahay kooxo badan, balse waxaan warbixintan ku eegeynaa Kooxda Baando Muusikada ee Ciidanka Booliska Soomaaliyeed.
Kooxda Baando Muusikada ee Ciidanka Booliska Soomaaliyeed ayaa waxaa la aas-aasay 1943- kii, taasoo laga joogo 75 sano, tan iyo xilligaasi waxay soo martay marxalado kala duwan, waxayna Kooxdu qabataa howl la maxariirta inay u tunto Muusiko ay ku tababarid gaada-kaciyaarka Ciidanka, xilliyada dabaaldegyada, munaasabadaha caamka iyo kuwa gaarka ahba, waxay kaloo ay garaacaan ama tumaan muusikadaha astaamaha Calamada wadamada caalamka, iyadoo ay islmarkaana ka farcameen Baandooyin badan oo ay ka mid yihiin kuwa Xoogga Dalka Soomaaliyeed, Asluubta iyo kuwo kale, waxaana lagu naaneeysaa Hooyada Baandooyinka Muusikada Dalka, waxayna Xaruuntooda ku taallaa agagaarka Dugsiga tababarka Booliska ee Jeneraal Kaahiye ee Degmada xamar jajab ee Gobolka Banaadiir.
Burbukii dalka ka dib Kooxda Baando Muusikada ee ciidanka booliska ayaa waxay ka mid aheyd hey’adiihii ku bur-buray dalka , hase ahaatee waxaa badbadiyay Askartii iyo qalabkoodaba Alle ha u naxriiste taliyhii hore ee bando musigada ee ciidanka booliska Janraal Cabdi Kaahiye faarax , kaasoo ku guuuleystay inuu badbaadiyo qalabka Baandada iyo waliba rugtoodabna.
Dhamme Maxamed Cali Xalaal oo Taliyaha Baandada Muusikada ee Ciidanka Booliska Soomaaliyeed ee haatan ayaa burburkii dalka kadib dib u habeyn qoto dheer ku sameeyay, waxaana Baandada lagu soo biiriyay Dhallinyaro aqoonyahanno ah, mislmarkaana casriyeyn ballaaran ku sameeyay, waxayna tumaan dhammaan astaan calaamadeedka muusikada caalamka, heesha wadaniga ah, kuwaasi oo aad loo jecleysto marka ay tumayaan.
“Waxaan jecelnaha inaan sii horumarino qaabka tayada Kooxda Baandeyda Booliska, islmarkaana waxaan gaarsiin doonnaa Gobolada dalka dhammaantood macallimiin tababar siiya dhallinyarada ku dhaqan Deegaanada gobolada Dalka, si heerkooda oo kale u soo gaaraan” ayuu yiri Taliyaha Baandeyda Booliska Soomaaliyeed.
Taliyaha oo hadalkiisa sii wata ayaa sheegay in ay maanta heerka ay joogto Kooxda Baandeyda Boolisku heerka la mid ah kuwa Caalamka, iyagoo tumi kara dhammaan astaamaha Calamada Caalamka marka ay yimaadaan Dalka, wuxuuna sii raaciyay in xuska Maalinta Booliska Soomnaaliyeed oo ku began 22-ka disimber ay la iman doonaan horumarro ay sameeyeen, islamarkaana ay kuy ganci doonaan Madaxda iyo shacabka Soomaaliyeed, isagoo hoosta ka xariiqay in Kooxda Baabdeyda haatan lagu soo kordhiyay Gabdho Soomaaliyeed oo si wanaagsan u tumi kara noocyada kala duwan ee Muusikada.
Alifle Deeqo Maxamed Cilmi oo ka mid ah Gabdhaha ka tirsan Kooxda Baandeyda Booliska ayaa sheegtay inay aad uga faraxsan tahay ka mid ahaanshaha kooxada Baandheyda Booliska, waxayna rajeyneysaa inay guul ka gaarto howsha ay haatan ku jirto, waxayna intaasi ku dartay in shaqada ay haatan waddo aysan wax u dhimeyn sharafteeda gabarnimmo, ayna soo dhaweeyaan dadweynuhu marka ay arkaan gabar Soomaaliyeed oo ka mid ah Kooxda Bandheyda.
Haddaba kooxdan oo ah mid aad u da’ weyn oo waliba aad caan uu uga ahaa Allha u naxariistee Cabdi Kaahiye Faarax oo lagu naaneysi jiray Harag shabeel, ayaa fagaarayaasha ka garaaca Muusik aad u macaan, kuwaasi oo ah muusik heeseed Wadani ah, waxaan leenahay Kooxda Baandada Booliska Soomaal;iyeed ha sii wadda dadaalkeeda ku aadan ka tumidda Muusikada goobaha lagu sameynayo Munaasabadaha iyo kuwa lagu soo dhaweynayo Madaxda Caalamka.
