Ciidamada maamulka Juabaland oo kaashanaya kuwa Midowga Afrika ee AMISOM ayaa maleeshiyaadka kooxda UGUS kala wareegay Jaziirada istiraatiijiga ah ee Kudha oo ku taala gobolka Jubada Hoose.
Ciidamada huwanta ah ayaa saaka waaberigii weerer ku qaaday Jaziiraddaasi oo Kooxda Nabad diidka ah ay ku dhibaateysnayeen dadka shacabka ah waxaana dubadii u suurtagashay in ay maleeshiyaadka ka saaraan sida wararka gobolka Jubada Hoose ka imaanaya ay sheegeyaan.
Sarkaal ka tirsan Ciidanka AMISOM oo lagu magacaabo Col David Obonyo,ayaa warbaahinta u sheegay in tiro dhowr ah oo kooxda Nabad diidka ah ee UGUS ay weerarka saakay ku dileen iyadoo 5 kamid ah gaadiidka dagaalka laga gubay waxaa sidoo kale lagala wareegay rasaas iyo noocyo kale oo hub ah.
Jaziiradda Kudha ayaa waxaa ay kamid aheyd meelaha maleeshiyaadka kooxda Nabad diidka ah ee UGUS ay ku xooganaayeen, waxaana tani ay imaanaysaa xilli dhowaan laga dilay horjooge sare oo kooxda UGUS ka tirsanaa kaas oo lagu magacaabo Aadan Garaar.
