Kooxo hubeysan ayaa weerar gaadmo ah ku dilay Xoghayihii degmada Wadajir iyo labo ka tirsan ilaaladii la socotay.
Weerarka waxaa sidoo kale ku dhaawacmay Guddoomiyaha Waaxda Jeneraal Daa’uud ee degmada Wadajir, kaasi oo lagu dabiibayo mid ka mid ah xarumaha caafimaadka ee Muqdisho.
Guddoomiye ku-xigeenka Arrimaha siyaasadda iyo amniga ee Gobolka Banaadir Maxamed Axmed Yabooh ayaa Radio Muqdisho u xaqiijiyay geerida Xoghayaha degmada Marxuum Cabdiraxmaan Sheekh Axmed iyo labo ka tirsan ilaaladiisa, waxaana isla goobta ku dhaawacmay Guddoomiyihii Waaxda Jeneraal Daa’uud ee degmada.
Ciidamada amniga ayaa iminka ku guda jira baadi goob ku aadan sidii ay gacanta ugu dhigi lahaayeen dadkii ka dambeeyay falka dilka ah.
