Kulankan oo ah mid todobaadle ah oo ay isugu yimaaday gudoomiyaasha degmooyinka iyo maamulka gobalka Banaadir ayaa waxaa maanta markii ugu horeysay lagu qabtay xarunta degmada Deyniile ee gobalka Banaadir sidoo kale waxaa kulankaasi ka qeyb galay agaasimaha warbaahinta qaran mudane c/raxmaan sheikh yuusuf al cadaala
Inta uu kulan kaasi socday ayaa waxaa looga hadlay sidii maamulka gobalka maamulada degmooyinka iyo bulshada ay uga shaqeyn lahaayen bilicda iyo hormarka gobalka Banaadir si loogu diyaar garoobo shirarka caalamiga ah ee lafilayo in lagu qabto magaalada caasimada ah ee muqdisho iyo madaxda wadamada caalamka ee imaanaya dalka ayadoo agaasimaha warbaahinta Qaranka C/raxmaan Sheekh Yuusuf Al cadaala uu halkaasi ka sheegay in warbaahinta qaranka ay diyaar u tahay sidii hormarka kajira gobalka ay ugu tabin laheyd shacabka Soomaliyed.
Kulanka kadib ayaa warbaahinta lahadlay gudoomiyaha gobalka Banaadir ahna duqa magaalada Muqdisho mudane Xasan Maxamed Xussen (Muungaab) isagoo kawar bixiyay kulan kaasi.
Sidoo kale gudoomiyaha gobalka Banaadir ahna duqa magaalada Muqdisho mudane Xasan Maxamed Xuseen (Muungaab) ayaa sheegay in maamulka Banaadir door muuqda ka qaadan doono sidii hormarinta degmada Deyniile islamarkaana dib udayactir loogu sameyn lahaay wadooyinka degmadaasi.
Ugu danbeyti waxaa warbaahinta lahadlay gudoomiyaha degmada Deyniile ee gobalka Banaadir oo goobta ka sheegay in maamulka degmada uu ka faraxsan yahay in kulankaani uu ka dhaco xarunta degmada Deyniile asagoo u mahadceliyay maamulka gobalka Banaadir.
