Taliska Ciidanka Booliska Puntland ayaa maanta tababar socon doona muddo dhawr bilood ah Kuliyadda tababarka ciidanka Booliska Soomaaliyeed Degmada Carmo ee Gobolka Bari uga furay ku dhawaad 100 gabdhood oo ka tirsan laamaha kala duwan ee ciidamada booliska Puntland.
Gabdhaha ka tirsan ciidamada booliska Puntland ayaa laga soo xulay Gobollada Dowlad Goboleedka Puntland, waxayna noqon doonaan dufcadii 1aad ee loo xareeyo tababar wax badan la filayo inuu ka bedelo xirfadooda iyo Aqoontii ay horey ugu shaqeynayeen.
Kabtan Maxamed Axmed Xasan oo ka tirsan saraakiisha xafiiska Taliska guud ee ciidanka Booliska ayaa sheegay tababarkan yahay mid khaas u noqon doona gabdhaha, isla markaana ay xigi doonaan dufcado kale oo Kulliyadda Carmo tababar loogu qaban doono.
Talaabadan ayaa qeyb ka noqonaysa isbedelladda mudooyinkii u dambeeyay lagu sameeynayay hanaanka shaqada hay’addaha amniga gudaha, gaar ahaan ciidamada booliska Puntland.
