Ku simaha guddoomiyaha Gobolka Banaadir, ahna Gudoomiye ku xigeenka 1aad ee Amniga iyo Siyaaadda Gobolka Mudane Maxamed Cadullaahi Maxamed ( Tuulah) ayaa xariga ka jaray Xarunta Degmadda Heliwaa oo dhawaan Dib u dayactir iyo qurxin lagu sameeyay.
Dib u dayactirka Xarunta Degmadda Heliwaa oo ay si isku tashi ah u dhisteen Shacabka iyo Maamulka Degmadaasi ayaa waxaa ku simaha duqa Magaalada uu kula dardaarmay in bulshada ay ilaashadaan goobaha danta guud ee laguu shaqeeyo.
Mudane Tuulax ayaa u balan qaaday in Guddoomiyaha degmada Heliwaa lagu abaal marin doono waxqabadka uu la yimid, isagoo guddoomiyeyaasha kale ugu baaqay inay ku daysadaan Maamulka Degmada Heliwaa oo soo bandhigay isku tashi ay ku guuleysteen inay dib u habeyn ku sameeyaan xarunta degmada.
Dhinaca kale Xarunta Degmadda Heliwaa ayaa lagu qabtay maanta Shirka isbuuclaha ah ee Guddoomiyaasha degmooyinka iyo Maamulka Sare ee Gobolka Banadir, waxaana looga hadlay shirkaasi sida wax looga qaban karo dhibaatooyinka ay roobabka u geysteyn bulshasa Caasimadda.
Ku-simaha Gudoomiyaha Gobolka Banaadir Mudane Maxamed Tuulax, ayaa sheegay in shirka Degmoiyinka maalinba degmo lagu qaban doono.
