Guddoomiyaha Baarlamaanka Soomaaliya ahna ku-simaha Madaxweynaha Jamhuuriyadda Federaalka Soomaaliya ayaa maanta magaalada Muqdisho kulan kula yeeshay Safiirka shiinaha ee Soomaaliya,kaas oo ku saabsanaa xoojinta xiriirka labada dal iyo salaan uu safiirka uga waday guddoomiyaha baarlamaanka shiinaha oo uu ka guddoomay Afhayeenka Baarlamaanka Soomaaliya.
Guddoomiyaha Baarlamaanka Soomaaliya Mudane Maxamed Sheekh Cusmaan Jawaari oo markii uu soo idlaaday kulanka lahadlay warbaahinta ayaa sheegay in safiirka shiinaha ee Soomaaliya uu ka guddoomay salaan uu uga siday guddoomiyaha Baarlamaanka ee dalka shiinaha, isagoo dhinaca kale sheegay in xiriirka Soomaaliya iyo shiinaha uu si der-der leh ku socdo islamarkaana Horumar balaaran sameeyay
Safiirka shiinaha ee Soomaaliya oo dadka Soomaaliyeed ay u yaqaanaan Warsame Geeljire ayaa ku amaanay Baarlamaanka Soomaaliyeed kaalintii uu ka qaatay da-dajinta Ansixinta sharciyo dalka muhiim u ah iyo Hiigsiga Sanadka 2016,ka
Dowladda shiinaha ayaa Soomaaliya ka samaysay mashaariic Horumarineed waqtigii xurnimada kahor, in kastoo goobihii shiinaha uu dhisay ay ku bur-bureen dagaaladii dalka ka dhacay ,waxaana Soomaaliya iyo shiinaha ka dhexeeya xiriirka ku salaysan , sinnaan, isfaham iyo istaageerid.
