Kulankaan guddoomiyaha barlamanka Soomaaliya ahna ku simaha madaxwaynaha dalka mudane Maxamed Sheekh Cismaan “Jawaari “ uu maanta xarunta villa Hargaysa uu kula yeeshay saraakiisha ciidanka booliska Soomaaliyeed ee maamul goboleedyadda Dalka ka jira ayaa ujeedadiisu ahayd sidii uu ugu dhiirgalin lahaa qorsha uu wado taliyaha ciidanka booliska Soomaaliyeed ee ku aadan nuuc uu noqonayo Ciidanka ay yeelanayaan maamul goboledyadda xubnaha ka noqonaya dowladda Federaalka madama uu dalkeenu qaatay hanan federalka ah.
Guddoomiyaha gollaha shacabka Soomaaliyeed Mudane Maxamed Sheekh Cismaan “Jawaari” ayaa warbixin ka dhagaysatay saraakiisha ciidanka booliiska Soomaaliyeed la xirira qaabka Ciidanka booliiska Soomaaliyeed ay ugu midoobi lahayeen sugidda amniga shacabka Soomaaliyeed.
Taliyaha ciidanka booliska Soomaaliyed Sareeyo Gaas Maxamed Sheekh Xasan Xaamud oo warbaahinta qaranka la hadlay markii uu kulankaasi soo idlaaday ayaa sheegay in kulankan ahmiyad weyn u leeyahay dib I qaabeynta ciidanka booliiska Soomaaliyeed guud ahaan gobolada oyo degmooyinka dalka.
Dhinaca kale ku simaha madaxwaynaha ayaa kulan xafiiskiisa kula qaatay safiirka dowladda Itoobiya u fadhiya Soomaaliya Ambassador Wandamu iyagoo ka wada hadlay xoojinta wada shaqaynta labada baarlamaanka iyo iskaashiga dhinacayadda aminga ee Soomaaliya iyo Itoobiya,
Guddoomiyha golaha shacabka Jamhuuriyadda Soomaaliya ayaa sidoo kale hambalyo u diray Guddoomiyaha Cusub ee baarlamaanka Itoobiya, oo ay dhawan doorteen xubnaha baarlamaanka dalkaasi.
