ku simaha ra.iisul wasaaraha dalka ahna Wasiirka wasaarada dastuurka mudane Xuseen Maxamuud Sheikh Xuseen oo ay wehliyaan wasiiro ka tirsan xukuumada oo ay ka mid yihiin Wasiirka Warfaafinta Dhaqanka iyo Dalxiiska iyo Wasiirka haweenka iyo hormarinta xaquuqul insaanka iyo xubno kale ayaa waxaa ay maanta booqdeen dhaawacyada dadkii shalay kooxaha argagixisada ah ay ku qarxiyeen maqaayada banooda oo lagu dabiibayo isbitaalada Muqdisho.
Xubnahaan golaha wasiirada ka tirsan ee uu hogaaminayay ku simaha ra.iisul wasaaraha ayaa waxaa ay mid mid u kor istaageen dhaawacyada dadkaas oo lagu dabiibayo isbitaalka Madiina iyagoo u kuurgalayay xaaladooda caafimaad maamulka isbitaalka ayayna xubnuhu warbixin ka dhageesteen .
Dr Maxamed Yuusuf agaasimaha Isbitaalka MADIINA oo warbixin siinayay mas,uuliyiinta ayaa waxaa uu sheegay in 14 ruux dhaawacooda la soo gaarsiiyay isbitaalka dadaal dheeraad ahna ay u sameeyeen 7 ka mid ah dadkaas ayuu sheegay in guryahooda ay ku laabteen markii dabiib loo sameyay halka 7 kale ay u jiifaan xaalkoodu uu yahay mid aad u soo hagaageysa.
Wasiirka wasaaradda warfaafinta Dhaqanka iyo dalxiiska xukuumadda Soomaaliya mudane Maxamed Cabdi Xayir {maareeye}oo warbaahinta hadal ku siiyay gudaha isbitaalka ayaa waxaa uu sheegay in dadkaas ay u rajeyneyso dowladda Soomaaliya ay u rajeyneyso caafimaad deg deg ah cadawga ka dambeeyay falkaan ee UGUS NA ay dowladu cirib tireyso sida ugu dhaqsaha badan oo ay baacsanayaan ciidamada amaanka dalka .
