Ku-simaha Taliyaha Ciidanka Booliska Soomaaliyeed Sareeyo Guuto Mukhtaar Xuseen Afrax iyo Saraakiil uu hoggaaminayo ayaa maanta gaaray magaalada Baydhabo ee xarunta KMG u ah Dowlad Goboleedka Koofurgalbeed, waxaana halkaasi ku soo dhoweeyey saraakiil iyo Mas’uuliyiin kala duwan.
Ujeedka Safarka Taliyaha iyo wafdigiisa ayaa ah in magaalada Baydhabo uu uga qeyb galayo wajiga labaad ee shirka Booliska Federaalka iyo Dowlad goboleedyada oo halkaasi ka qabsoomi doono labada cisho ee soo socota.
Taliyaha waxaa Safarka ku wehliya dhammaan Taliyeyaasha Booliska ee Dowlad Goboleedyada, Mas’uuliyiin ka kala socota Wasaaradda Amniga Qaranka iyo Wasaaraddaha Amniga ee maamulada dalka ka jira. Taliyeyaasha Booliska Dowlad Goboleedyadda iyo xubno kale.
