Gaashaale sare Abdinuur Axmed Kadiye ayaa maanta booqdey Xeryo lagu tababarayo qaar ka mid ah Saraakiisha Ciidamada Xoogda dalka Soomaaliyeed, Ciidamadan ayaa waxaa ay ku kala xareysanyihiin oo tababar uga socdaa xeryo dhowr ah oo ku kala yaala magaalooyinka Ankara, Istanbul, Ismiir iyo meelo kale oo ka tirsan wadanka Turkiga.
Saraakiishan ayaa waxaa ay isugu jiraan Saraakiil sar sare iyo leyli saraal, sarkaal xigeeno, waxaana hada usocda luuqada Turkiga oo marka ugu horeysa ay tahay in uu barto Sarkaalka tababarka qaadanayo, saraakiishan ayaa waxaa uu isugu jiraa tababarkooda dhoor nooc oo kala duwan,
Saraakiishan ayaa waxaa kamid ah Saraakiil loo taba barayo Duuliyaal in ay noqdaan iyo weliba dhinaca Avitionka, sodoo kale waxaa ka mid ah Saraakiishan kuwo loo tababarayo dhaqaatiir iyo injineero, Saraakiishan ayaa tiradooda waxaa ay gareysaa 103 Sirkaal, kuwaasi oo laga soo kala xuley dhamaan Gobolada Dalka Soomaaaliya.
Gashaanle Sare Cabdinuur Axmed kadiye ku-xigeenka Militiri Ataajiiga Safaaradda Soomaaliya ahna ku-simaha Ataajiiga Militiriga ayaa waxaa ku wehelinayey booqashadiisa Korneel Axmed Kaahin oo si gooni ah gacanta ugu hayo Saraakiisha tababarka ku qaadaneysa wadanka Turkiga,kaasi oo wax badan ku buraarujiyey Saraakiisha xilna iska saaray sidii Saraakiishan ay uga mrio dhalin lahaayeen tababarkooda.
Tababarka Saraakiishan ayaa waxaa uu socon doonaa hal sano ilaa shan sano, Saraakiishan ayaa markii ay dhameystaan Tababarkooda waxaa ay dib ugu laaban doonaan wadanka Soomaaliya si ay u ga howlgalaan wadanka gudihiisa.
Gaashaanle sare Axmed Cabdinuur ayaa waxaa uu u jeediyey Saraakiisha uu la kulmey khudbad dhiiro gelin ah oo uu ugu talo galey Saraakiisha in uu ku dhiiri geliyo si ay uga lib keenaan tababarkooda, muujiyaana dhabar adeeg,wuxuuna u sheegey in wadankii iyo Ciidankii xooga Dalka Soomaaliyeed ay kasugayaan waxii ay halkan ka barteen ay uga faa ideeyaan.
